Ég heiti Helga B. Haraldsdóttir og er menntaður sálfræðingur. Sjálf barðist ég við verkjasjúkdóma í þrjátíu ár þar til ég kynntist PRT, EAET og svipuðum nálgunum. Þessar meðferðir byggja á breyttri hugmyndafræði í verkjafræðum og eiga rætur að rekja til taugavísinda og sálfræði. Það er skemmst frá því að segja að þær hafa gjörbreytt lífi mínu og fjölda annarra og ég er mjög þakklát að vinna við að rétta fólki verkfærin til að gjörbreyta lífi sínu. Ég legg líka áherslu á að það er ekki ég sem breyti lífi þínu, það ert þú sem gerir það og það er svo valdeflandi og í raun stórkostlegt ferðalag.
Talið er að að minnsta kosti 1,5 milljarður manna þjáist af krónískum verkjum og oft á tíðum er leiðin til bata möguleg og meira að segja nokkuð greiðfær. PRT og EAET eru meðferðarleiðir sem hafa verið að skila miklum árangri hjá verkjasjúklingum og oft á stuttum tíma. Ef þú þjáist af langvinnum verkjum þá hvet ég þig til að hlusta á Verkjacastið (fimm stuttir hljóðvarpsþættir) og kíkja á bloggið mitt. Það er til mikils að vinna. Þú ert líka velkomin(n) í viðtöl til mín en ég er fyrsti viðurkenndi sálfræðingurinn/meðferðaraðilinn í Verkjaendurferlun (e. certified PRT therapist) á Íslandi og einnig sú fyrsta hérlendis til að læra EAET. Þessar meðferðir hafa einnig verið að gagnast vel m.a. við síþreytu og kulnun.